የሮበርት ሙጋቤ ልጅ በነፍስ ግድያ ሙከራ ወንጀል በደቡብ አፍሪካ ፍርድ ቤት ቀረበ

የሟቹ የዚምባብዌ ፕሬዝዳንት ሮበርት ሙጋቤ ታናሽ ልጅ ቤላርሚን ቻቱንጋ ሙጋቤ በደቡብ አፍሪካ ጆሃንስበርግ ከተማ በነፍስ ግድያ ሙከራ ወንጀል ተከስሶ ትናንት ሰኞ የካቲት 16 ቀን 2018 ዓ.ም (February 23, 2026) ፍርድ ቤት ቀርቧል።

የክሱ ዝርዝር እንደ ደቡብ አፍሪካ ፖሊስ መረጃ ከሆነ ድርጊቱ የተፈጸመው ባለፈው ሐሙስ የካቲት 12 ቀን በቻቱንጋ ሙጋቤ መኖሪያ ቤት ውስጥ ነው።

የ28 ዓመቱ ቻቱንጋ በቤቱ ውስጥ ተቀጥሮ በሚሰራው የ23 ዓመት ወጣት የጓሮ አትክልተኛ (Gardener) ላይ ጥይት በመተኮስ ለከባድ ጉዳት ዳርጎታል። ተጎጂው በአሁኑ ወቅት በጽኑ እንክብካቤ ክፍል ውስጥ እንደሚገኝ ታውቋል።

ተጨማሪ ክሶች ቻቱንጋ ሙጋቤ ከነፍስ ግድያ ሙከራው በተጨማሪ ለድርጊቱ ጥቅም ላይ የዋለውን የጦር መሣሪያ ደብቋል በሚል፤ ያለ ፈቃድ መሣሪያና ጥይት በመያዝ፤ ከተጎጂው ላይ የበር መክፈቻ (Remote) በኃይል በመቀማትና በደቡብ አፍሪካ ውስጥ ያለ ሕጋዊ ሰነድ ሲንቀሳቀስ በመገኘቱ በሚሉት ወንጀሎች ተከስሷል።

የፍርድ ቤት ውሳኔ ቻቱንጋ ሙጋቤ እና አብሮት የተከሰሰው ቶቢያስ ማቶንሆድዜ የዋስትና መብታቸው ታግዶ እስከ መጪው መጋቢት 3 ቀን 2026 ድረስ በማረሚያ ቤት እንዲቆዩ ፍርድ ቤቱ ወስኗል።

ይህ ክስተት በሙጋቤ ቤተሰቦች ላይ በተደጋጋሚ ለሚሰሙት የስነ-ምግባርና የሕግ ጥሰት ቅሬታዎች ተጨማሪ አነጋጋሪ አጀንዳ ሆኗል።