20ኛው የቻይና ኮሙኒስት ፓርቲ(Communist Party of China-CPC/ሲፒሲ) ማዕከላዊ ኮሚቴ ሙሉና ጥብቅ የፓርቲ የራስ አስተዳደርን የሚያስቀጥል ውሳኔ በማሳለፍ ከሰኞ እስከ ሀሙስ ያካሄደውን አምስተኛውን ጉባኤ አጠናቋል።
ጉባኤውን የሲፒሲ ማዕከላዊ ኮሚቴ የፖለቲካ ቢሮ እንደመራው ሽንዋ ዘግቧል። ከጉባኤው በኋላ በወጣው የአቋም መግለጫ ላይ እንደተጠቀሰው የሲፒሲ ማዕከላዊ ኮሚቴ ዋና ሰብሳቢ የሆኑት ሺ ጂንፒንግ ጠቃሚ መልክት አስተላልፈዋል። በጉባኤው ወቅት ተሳታፊዎች ሺ ያቀረቡትን የፖለቲካ ቢሮ ሪፖርት መስማታቸውንና ውይይት ማድረጋቸውን ዘግባው ጠቅሷል። ከዚህ በተጨማሪም ተሳታፊዎቹ የፓርቲውን ጠንካራ አስተዳደር ለማስቀጠል በሚያስችሉ ትላልቅ ጉዳዮች ላይ መክረው ውሳኔ አሳልፈዋል።
ሺም በዚህ ረቂቅ የውሳኔ ሀሳብ ላይ ማብራሪያ ስጥተዋል። መግለጫው እንደጠቀው የሲፒሲ ማዕከላዊ ኮሚቴ የፓለቲካ ቢሮውን ስራዎች ከአራተኛው ጉባኤ ጀምሮ እያረጋገጠ እስከአሁን ቀጥሏል።
ፓርቲው ከተመሰረተ ጀምሮ ያሳለፈውን ጉዞ ወደ ኋላ መለስ ብሎ ያስታወሰው ማዕከላዊ ኮሚቴው፣ ፓርቲው በተከታታይ አንድ ድል በሌላ ድል ላይ በመደረብ ስኬታማ እንዲሆን ያስቻለው ቁልፍ ትክክለኛ ኮሙኒዝም መሻቱ፣ ቻይና ትልቅ ሀገር እንድትሆን ጠንክሮ መስራቱና ቻይናውያን ደስተኛ እንዲሆኑና ቻይና እንድትለወጥ ያለው ቁርጠኝነት ነው።
በዚህ ጉባኤ ሲፒሲ ፓርቲው በአዲሱ ዘመን ሙሉና ጥብቅ የፓርቲ የራስ አስተዳደርን በመተግበር ባስመዘገበችው ታላላቅ ስኬቶች ላይ አዎንታዊ ግምገማ ተደርጓል። ፓርቲው በአዲሱ ዘመን ራሱን ለመቆጣጠር፣ ለማስተዳደር፣ ለማሳደግና ለማጠናከር ጥረት ሲያደርግ፣ በጓድ ሺ የሚመራው የሲፒሲ ማዕከላዊ ኮሚቴ አዳዲስ ሀሳቦችን፣ አስተሳሰቦችን እንዲሁም ሲፒሲ በረጀም ጊዜ ምን አይነት ገዥ ማርክሲስት ፓርቲ መገንባት አለበትና እንዴት ይገንባ ለሚሉት የወቅቱ ትላልቅ ጥያቄዎች መልስ አዲስ ስትራቴጂ አቅርቧል።
“ሙሉና ጥብቅ የፓርቲ አስተዳደር የማስቀጠል ምቹ ሁኔታዎች ቢኖሩም፣ በዚህ ጥረት አዲስ ክስተቶችንና ችግሮች ሊያጋጥሙን ይችላሉ” ብሏል መግለጫው።
በዓለም አቀፍ፣ በሀገር አቀፍና በፓርቲው ውስጥ እየተከሰቱ ያሉ ጥልቅ ለውጦች፣ ሲፒሲ ሕዝቡን በማሰባሰብና በመምራት የሀገሪቱን ሉዓላዊነት፣ ደህንነትና የልማት ጥቅሞች የመጠበቅ፣ ለውጥንና ልማትን የማስፋፋት፣ ማኅበራዊ ስምምነትንና መረጋጋትን የማስጠበቅ፣ እንዲሁም የፓርቲውን የላቀ ባህሪና ንጹሕነት የመጠበቅ ተግባራትን ይበልጥ ፈታኝ አድርገዋቸዋል።
የፓርቲውን ተልዕኮዎችና ኃላፊነቶች ለማሳካት በአዲሱ ዘመን ለፓርቲ ግንባታ የተቀመጡትን አጠቃላይ መስፈርቶች መከተል፣ የፓርቲውን ሕገ ደንብ እንደ መሠረታዊ መመሪያ መውሰድ፣ የፓርቲውን ቀዳሚነት ባህሪ መጠበቅ፣ እንዲሁም የፓርቲውን አጠቃላይ አመራርና የማዕከላዊ ኮሚቴውን የተማከለና የተቀናጀ አመራር ማጠናከር እንደሚገባ የስብሰባው መግለጫ አመልክቷል።
በስብሰባው ላይ ሙሉና ጥብቅ የፓርቲ ራስን የማስተዳደር ሥርዓትን ለማስቀጠል የሚያገለግሉ መሪ መርሆዎችም ተጠቁመዋል። እነዚህም የፓርቲውን ተልዕኮዎችና ተግባራት ማሳካትን ዓላማ ማድረግ፣ ፓርቲውን በፖለቲካዊ አቅጣጫ ማጠናከርን እንደ ዋና መርህ መውሰድ፣ ጥብቅ አስተዳደርን በሁሉም ዘርፎች መተግበር፣ ችግርን መሠረት ያደረገ አቀራረብ መከተል፣ መሠረታዊ መርሆዎችን በመጠበቅ አዳዲስ ሐሳቦችን ማፍለቅ፣ ከላይ ወደ ታች የሚሄድ አቀራረብን መከተልና ፓርቲውን በሕግና በደንብ መሠረት ማስተዳደርን ያካትታሉ።
በተጨማሪም ሙሉና ጥብቅ የፓርቲ ራስን የማስተዳደር ሥርዓትን ለማስቀጠል ስልታዊ ዕቅዶች በስብሰባው ተዘጋጅተዋል። የፓርቲውን መንፈሳዊና ርዕዮተ ዓለማዊ ጥንካሬ ማሳደግ ይህንን ሥርዓት ለማረጋገጥ መሠረታዊ ተግባር መሆኑን መግለጫው ጠቁሟል። ዴሞክራሲያዊ ማዕከላዊነትም የፓርቲው መሠረታዊ የድርጅት መርህና የአመራር ሥርዓት በመሆኑ፣ በተግባር ላይ ማዋሉ ሙሉና ጥብቅ የፓርቲ ራስን የማስተዳደር ሥርዓትን ለማረጋገጥ የግድ የሚያስፈልግ መስፈርት እንደሆነ አክሏል።
የፓርቲ ባለሥልጣናትን በጥብቅ መቆጣጠር ለዚህ ሥርዓት ዋና መሠረት እንደሆነም ተገልጿል። በዚህም ጠንካራ ፖለቲካዊ ቁርጠኝነት፣ ከፍተኛ ሙያዊ ብቃት፣ ጥሩ የሥራ ሥነ ምግባርና ጥብቅ የዲሲፕሊን አካሄድ ያላቸውን ከፍተኛ ብቃት ያላቸው ባለሥልጣናት ቡድን ለመገንባት እንደሚሠራ መግለጫው አስታውቋል።
በሁሉም ደረጃዎች የሚገኙ የፓርቲው ድርጅቶችም ሙሉና ጥብቅ የፓርቲ ራስን የማስተዳደር ሥርዓትን በመተግበር ዋና ኃላፊነት አለባቸው። በመሆኑም በሁሉም ደረጃዎችና ዘርፎች የሚገኙ የፓርቲ ድርጅቶችን በስልታዊ መንገድ ማሳደግ፣ የፖለቲካና የድርጅታዊ ተግባራቸውንም ማጠናከር አስፈላጊ መሆኑን መግለጫው አመልክቷል።
የሥራ አካሄድን ማሻሻልና የዲሲፕሊን ቁጥጥርን ማጠናከር የፓርቲውን ራስን የማስተዳደር ሥርዓት ለማራመድ ውጤታማ መንገዶች እንደሆኑም ተጠቁሟል። በተለይም ባለሥልጣናት ሙስና ለመፈጸም ድፍረትም፣ ዕድልም ሆነ ፍላጎት እንዳይኖራቸው በተቀናጀ መንገድ እርምጃዎችን መውሰድ ለፓርቲው ጥብቅ ራስን የማስተዳደር ሥርዓት አስፈላጊ ስትራቴጂና ሙስናን ለመዋጋት መሠረታዊ መመሪያ መሆኑን መግለጫው አስታውቋል።
በዚህ ረገድ የሙስናን ውጫዊ ምልክቶችና መሠረታዊ መንስኤዎች ለመፍታት ስልታዊ እርምጃዎችን መውሰድ፣ ከባድ ቅጣትን፣ የተመረጠ ማስተካከያንና ውጤታማ መከላከልን የሚያጣምር አጠቃላይ አቀራረብ መከተል እንዲሁም የሙስና ትግሉን እስከ መጨረሻው ማስቀጠል እንደሚገባ ተገልጿል።
የፓርቲውን ደንቦችና ተቋማዊ ሥርዓቶች ማጠናከርም ሙሉና ጥብቅ የፓርቲ ራስን የማስተዳደር ሥርዓትን ለማረጋገጥ የረጅም ጊዜ መሠረታዊ ስትራቴጂ መሆኑን መግለጫው አመልክቷል። ይህንን ሥርዓት ማስቀጠል የፓርቲና የመንግሥት የቁጥጥር ሥርዓቶችን የበለጠ ማሻሻልን የሚጠይቅ ሲሆን፣ የሁሉም የፓርቲ አባላት የጋራ ፖለቲካዊ ኃላፊነት መሆኑም ተጠቁሟል።
ከዚህ ሙሉ ጉባኤ የወጡትን መሪ መርሆዎች ማጥናትና በተግባር ላይ ማዋል በአሁኑ ወቅትም ሆነ በሚቀጥለው ጊዜ ለመላው ፓርቲ ዋና የፖለቲካ ተግባር እንደሚሆን መግለጫው አስታውቋል። በተጨማሪም የፓርቲው የሥራ አጀንዳ ሁሉም ክፍሎች በዓመቱ መጨረሻና በአዲሱ ዓመት መጀመሪያ ወቅት በተረጋጋ ሁኔታ እንዲቀጥሉ አጽንዖት ተሰጥቷል።
የሲፒሲ ማዕከላዊ ኮሚቴ በስብሰባው ወቅት ፓርቲው 21ኛውን ብሔራዊ ጉባኤ እ.አ.አ. በ2027 ሁለተኛ አጋማሽ በቤጂንግ እንዲያካሂድ ወስኗል። ይህ ጉባኤ የሶሻሊስታዊ ዘመናዊነትን በመሠረታዊ ደረጃ ለማሳካትና ወደ ሁለተኛው የመቶ ዓመት ግብ ለመድረስ በሚደረገው አዲስ ጉዞ ወሳኝ በሆነ ወቅት የሚካሄድ በመሆኑ፣ ለፓርቲውም ሆነ ለሀገሪቱ ከፍተኛ ፖለቲካዊ ጠቀሜታ ያለው ክስተት እንደሚሆን ተገልጿል።
በስብሰባው ወቅት ዣንግ ሼንግሚን አዲስ የሲፒ ማዕከላዊ ኮሚቴ የፖለቲካ ቢሮ አባል ሆነው ተመርጠዋል። በተጨማሪም በማዕከላዊ ኮሚቴው ውስጥ የተፈጠሩ ክፍት የአባልነት ቦታዎች በተጠባባቂ አባላት እንዲሞሉ ተወስኗል። የማዕከላዊ የዲሲፕሊን ቁጥጥር ኮሚሽንና የማዕከላዊ ወታደራዊ ኮሚሽን ከባድ የዲሲፕሊንና የሕግ ጥሰቶችን በፈጸሙ ግለሰቦች ላይ ያቀረቧቸው የምርመራ ሪፖርቶችም ታይተው ጸድቀዋል። በእነዚህ ጥሰቶች ላይ የፖለቲካ ቢሮው ቀደም ሲል የወሰዳቸው የቅጣት ውሳኔዎችም በስብሰባው ተረጋግጠዋል።
የሲፒሲ ማዕከላዊ ኮማቴ ጠቅላላ ፓርቲው መዋቅር በሺ ጂንፒንግ በሚመራው የሲፒሲ ማዕከላዊ ኮሚቴ ዙሪያ በቅርበት እንዲሰባሰቡ እንዲሁም ለአዲሱ ዘመን የሚሆን ባህሪ የተባለሰውን የሺ የሶሺያሊዝም አስተሳሰብ እንዲተግበር ጥረ አቅርቧል።
