የኢትዮጵያ ሚዲያ ባለስልጣን ዛሬ ባወጣው መግለጫ ድምጸ ወያኔ የቴሌቪዥን ጣቢያ ስሙን ወደ “ማዕዶት ብሮድካስቲንግ አገልግሎት” መቀየሩንና የስርጭት ፈቃድ ማግኘቱን አስታውቋል።
ጣቢያው ቀደም ሲል “የጦርነት መሳሪያ ሆኖ” እያገለገለ ነው በሚል የስርጥት ፈቃዱ መሰረዙን የገለጸው ባለስልጣኑ አሁን ላይ ክልሉን የሚመራው ባለአደራ አስተዳደር ሰላምና መረጋጋት እንዲያረጋግጥ አዎንታዊ አስተዋጽኦ እንዲያበረክት ፈቃድ ተሰጥቶታል ብሏል።
ባለፈው ወር በሰሜን ኢትዮጵያ፣ በህወሓትና በፌደራል መንግስት በድጋሚ የተከሰተውን ግጭት ተከትሎ የፌደራል መንግስት የክልሉን ዋና ከተማ መቀሌንና በርካታ ከተሞችን ተቆጣጥሯል።
በክልሉ ስላምና መረጋጋት፣ የህዝብ አገልግሎቶች እንዲመለሱ እንዲሁም ለምርጫ አስቻይ ሁኔታዎች እንዲፈጠሩ የሚያደርግ ለስድስት ወራት የሚቆይ በፌደራል መንግስት የሚመራ የባለአደራ አስተዳደር መቋቋሙ ይታወሳል።
