ኢትዮጵያ በአስመራ የሚገኘውን ኤምባሲዋን መዝጋቷን አስታወቀች

የኢትዮጵያ የውጭ ጉዳይ ሚኒስቴር፣ ኤርትራ በኢትዮጵያ እያሳየች ባለችው ተደጋጋሚ ቀጥተኛ ጥቃትና አብሪነት ምክንያት በአስመራ የሚገኘውን ኤምባሲዋን ለመዝጋት መወሰኑን አስታውቋል።

ሚኒስቴሩ በአዲስ አበባ የሚገኙ 10 የኤርትራ ዲፕሎማቶች ለኢትዮጵያ ብሔራዊ ደህንነት ቀጥተኛ ስጋት በሆኑ እንቅስቃሴዎች ላይ በመሳተፋቸውና የቪየና ስምምነቶችን በመጣሳቸው በ48 ሰዓታት ውስጥ ኢትዮጵያን ለቀው እንዲወጡ አሳስቧል።

በሉዓላዊ አገራት መካከል የሚደረጉ የግንኙነት መርሆዎች እንዲከበሩ የኤርትራን መንግሥት ያሳሰበው መግለጫ፣ የኢትዮጵያ መንግሥት ግጭቶችን በሰላም ለመፍታትና በቀንድ አፍሪካ ሰላምና መረጋጋት እንዲሰፍን ቁርጠኛ መሆኑን ገልጿል።

ይህ የኢትዮጵያ እርምጃ በሰሜን ኢትዮጵያ ዳግም ግጭት መከሰቱን ተከትሎ የመጣ ነው። በተጨማሪም፣ ኢትዮጵያ ጎረቤት የሆኑት ሱዳንና ኤርትራ በአገሪቱ ውስጥ ለሚንቀሳቀሱ የታጠቁ ቡድኖች የገንዘብ ድጋፍ እያደረጉ ነው ስትል በከሰሰችበት ወቅት መካሄዱ ሌላው የጉዳዩ አውድ ነው። ሆኖም ሁለቱም አገራት ክሱን በተደጋጋሚ አስተባብለዋል።