የመንግሥት ኃይሎች በትግራይ አራት ቁልፍ ከተሞችን ተቆጣጠሩ

የኢትዮጵያ መከላከያ ሠራዊት ከትግራይ ሰላም ኃይል (TPF) ጋር በመተባበር እዳጋ ሃሙስ፣ ሽሬ፣ ዓድዋ እና ዓድግራትን ጨምሮ በትግራይ ክልል የሚገኙ አራት ቁልፍ ከተሞችን በቁጥጥር ሥር ማዋሉን አፍሮ ኢንሳይት ኒውስ ከመሬት ላይ ካሉ ምንጮች ባገኘው መረጃ አረጋግጧል። ከተሞቹ በመንግሥት ኃይሎች ቁጥጥር ሥር የዋሉት ከሁለት ሰዓታት በፊት መሆኑንም ምንጮቹ ገልጸዋል።

በተያያዘ ዜና በዓድግራት አካባቢ የኤርትራ ጦር ወታደራዊ ተሽከርካሪዎች ላይ የድሮን ጥቃት መፈጸሙ ተዘግቧል። ሆኖም የጥቃቱ ዝርዝር፣ ያደረሰው ጉዳትና ተጎጂዎች ስለመኖራቸው የተረጋገጠ መረጃ አልተገኘም።

ኢትዮጵያ የኤርትራ ጦር ድንበር በመሻገር ወደ ኢትዮጵያ ግዛት እስከ 60 ኪሎ ሜትር መግባቱን በመክሰስ ለተባበሩት መንግሥታት የጸጥታው ምክር ቤት አቤቱታ አቅርባለች። ኢትዮጵያ የኤርትራ ጦር ከኢትዮጵያ ግዛት እንዲወጣ ጠይቃለች።

ኤርትራ በበኩሏ የኢትዮጵያን ክሶች ውድቅ በማድረግ የኢትዮጵያ መንግሥት በኤርትራ ላይ የጥቃት ፖሊሲ እየተከተለ ነው ስትል ከሳለች።

በሁለቱ ሀገራት መካከል የሚታየው ውጥረት በምስራቅ አፍሪካ ቀንድ ሰፊ ግጭት ሊቀሰቅስ ይችላል የሚል ስጋት ፈጥሯል።

አፍሮ ኢንሳይት ኒውስ ከመሬት ላይ ካሉ ምንጮች በማግኘት እውነተኛ ወቅታዊ መረጃዎችን እየተከታተለ ያቀርብላችኃል

ለተጨማሪ ወቅታዊ ዜናዎች ቻናላችንን ይመዝገቡ (Subscribe) እና አፍሮ ኢንሳይት ኒውስን ይከታተሉ።